Cheste cjante e je stade voltade par furlan de mestre Luisa Pillino dal test de cjante par frutins "ANDAVA CAPPUCCETTO" di Elisa Pooli, tirade fûr dal album di cjantis par frutins CantaAscuola. La idee e je buride fûr preparant il lavôr par i plui piçui de scuelute de Infanzie di Gjalarian, stant che la cjante origjinâl e somee ae tiritere "Tintine tintone". I frutins le àn cussì tant gradide che il lôf al è deventât il personaç plui amât e cirût, gracie ancje ae marionete doprade ogni volte par i salûts e la introduzion dai incuintris setemanâi. Aromai, daspò cualchi lezion, il lôf nol faseve plui pôre a di nissun!

Daspò di vê imparade la cjantute par frutins de racuelte "Cjantis e rimarolis par frutins" des edizions Kappa Vu, i fruts plui grancj de scuele primarie a àn provât a butâ jù il test di altris strofis, par slungjâ la cjantute... il dificil alè stât chel di fâ stâ lis peraulis te metriche de cjante e di cjatâ lis rimis plui justis... però cetant che si sin divertîts!