Vie da la crôs

Ce ise la Vie da la Crôs? 

E je la strade dolorose che Jesus al à fât par nô. 

Ta la nestre Regjon a son rapresentazions de Vie Crucis, ancje cun dramatizazions, cuasi spetacui teatrai. 

A Bertiûl e frazions a son i fruts de scuele che in glesie, durant la Cuaresime a lein i argoments di ogni stazions. Al è biel cjatâsi par visâsi e meditâ insieme a dute la comunitât religjose. 

Ator, ator la glesie Parochiâl di San Martin a Bertiûl, al è un piçul tesaur. Sot un puarti, a soreli jevât, si viodin lis cutuardis stazions da la Via Crucis frescjadis. 

  La costruzion e je presinte da la fin dal sietcent e, ancje se no vin notiziis sul artist, lis pituris a àn carateristichis espressivis di chel secul. I colôrs a son di dutis lis sfumaduris da lis tieris dopradis. 

Tal laboratori di disen o vin improntât, in piçui grops, i nestri frescs doprant: polvar di zes e di stuc, aghe, savalon, cole, carton, colôrs a aghe e pinei.

Dopo si fâs cussi:

 1) impastâ dôs o trê sedons di zes e di stuc cun aghe, savalon e cole;

2) distirâ la papute otignude suntun carton cuntune palete;

3) disegnâ prime che si sui la sene;

4) piturâ cui colôrs a aghe (acuarei) e spiet che si sui il dut.

Ve ca i nestri frescs: 

Zûc dal puzzle: (collage) 

 Peraulis in crôs di stampâ

Par zuiâ in internet: https://crosswordlabs.com/view/afresc-peraulis-in-cros