Un viac tai materiai da la scuele "Fabris" di Codroip
Chist an i fruz da las quartes da la Scuele Primarie a timp plen "Anna Fabris" di Codroip an scomenciat il lor lavor in marilenghe cun t'un percors sui materiai. Di ce ise fate la robe ca tocjn, nasin, viodin ogni dì?
Sin partiz cun t'une riflession sui varis materiai che già i fruz a cognossevin: a è risultade une suddivision in tre grancj "balons"!
I fruz dopo, dividuz in 4 grups, an analizat i materiai ca vevin tirat for ta la conversazion da la volte prime, secont varies categories: l'origine, las caratteristiches, i colors e las formes.
Prin di dut vin sperimentat varies ativitaz cun t'un material di origine animal: la lane.
Vin provat a lavorale in diviarses manieres, ma il lavorut plui divertent al è stat imparà a fa i pon pon!
Dopo sin pasaz a lavorà sui materiai di origine vegetal: il coton, la cjarte, il len...
Par ognun vin manipolat, disegnat, scrit, fin quant che vin imparat a cognossilu ben!
Il moment plui divertent al è stat quant chi vin piturat cun patates e selino!!!
I fruz si son dividuz in grups, si son mituz d'accordo su ce disegna, an fat in mot che ognun al ves un so ruolo ta la costruzion dal disen.
Dopo an cjolt colors e verdure e si son scjadenaz a bati patates e selino sul fuei fin quant che il disen al ere complet!
Ecco une piciule rappresentanze di ce che an fat i fruz in t'une divertentissime matine di lavor!